عائله ابو طواقى شعر عن الغربة

اخوتي واخواتي الاعزاء

الغربة قاسيه وليلها طويل

وما يحسهاش الا اللي جربها وقاسى منها ،

ومن وحي ذلك كتبت هذه الكلمات لعلها تعبر عمن يعيشها0

ارجو ان تنال الاستحسان 0
انا ايه كان على الغربة رماني
شفت بلاد ولفيت بلاد ما لقيت في الغربة ذرة حنان

وصحبت ناس وعرفت ناس لكن صحبه ما لهاش امان

كل اللي يكلمك اللي في قلبه مش على اللسان

زمالة ملهاش جذور والناس ما تلاقي فيها انسان

تشقى وتتعب ليل نهار ما تسمعش كلمة امتنان

الكل بيمص دم الغريب والله هو المستعان

والقسوة كترت واتفرعت والحب ده كان زمان

ما تلاقيش كلمة تحية ولا نظرة مودة ولا احسان

قلوب من القسوة اتحجرت وبقت اشد من حجر الصوان

بيوحشك الحبيب ما تلاقي الصديق وتعيش حياه كلها حرمان

وتسرح في دنيتك وتكره غربتك وتعيش الماضي وأيام زمان

وتلاقي نفسك بتصرخ انا ايه كان على الغربة رماني وليه ده كان