يا تجعاوية
يانجعاوية
وحشاني والله
و قاطعه بـيّـه
لو شفت صورتك
أو جابوا سيرتك
مامسكش نفسي
و تدمع عينايه
لمحت رزقي
قرّبت أصيده
أتاريه ده طـُعم
وضحك عليه
خدني و سحبني
صياد معلم
الأسم "غـُربه"
و اتعشَى بـيـّه
مع كل قطمه
بياخدها مني
عمري بيخلص
من بين ايدايه
عمري اللي عمري
ما حاولت أعـِّدُه
بديت أعـِّدُه
بنـتـيجتي ديه
إمتى أجازتي
إمتى جوازتي
إمتى جنازتي
إمتى الوصيه
إمتى الوصيه ؟؟؟
يوم النهايه
يوم الوفاه
يوم المنـيَّـه
تغسلوني
و تكفنوني
و ابقوا ادفنوني
و ابكوا عليه
بقيت لوحدي
و جُوَّه لحدي
عملي قاعدلي
يعدد عليه :
ظلمت نفسك
ما وصلت رحِمك
شتمت دَوَّة
و أغتبت ديه
ضيعت عمرك
ضيعت وقتك
في كلام هجايص
غلطات غبـيـه
فوِّت فجرك
بره الجماعه
تحضرها مرّه
و تسيبها مِـيـَّـه
ده ماسابش حاجه
ولا أي حاجه
قال كل حاجه
تقضي عليه
زلات لساني
أمراض جناني (قلبي)
اسماع وداني
بصّات عينايه
يا ربي سلِّم
يا رب إغفر
يا رب إرحم
و استر عليه
