ولابد من يـوم معلــوم .. ترتــد فيـه المظـــالم
أبيض على كل مظلـــوم .. أسـود على كل ظـــــالم
مسكين من يطبخ الفـاس .. ويريد مـرق من حـديــده
مسكين من عاشر النـاس .. ويـريـد من لا يـريـــده
اياك تقول للندل ياعم .. ولو كان على السرج راكب
ما حد خالي من الــهم .. حتى قلوع المــــــراكب
ما حد خالي من الهم .. حتى الحصى في الأراضي
ماله مصاريـن ولا دم .. ولا هو من الهم فـاضي
كيد النسا يشبـه الكي .. من مكرهن عدت هـــــارب
يتحزمـن بالحنـش حــي .. ويتعصبـن بالـعقــــارب
الليـل مـا هـو قصيـر .. إلا على اللى يـنامــــه
والشخـص مادام فقيــر .. ما حد يسمـع كلامــــــه
باوَحِّد اللي خلق الناس .. خلق مسلمين ونصــــارى
ناس نامت على فَرش وِكْناس .. وناس ع المعايش حيـارى
طبيب الجرايح قوم الحق .. هات لي الدوا اللي يوافق
فيه ناس كتير تعرف الحق .. ولاجل الضرورة توافـــــق
فَرَطت قِلعِي ما جانيش ريح .. وعاودت ع البَر نـــــاوي
ياما ناس زيِّنا مجاريح .. لكين صابرة ع البــــلاوي
سِكِت الهَوى والناموس طار .. والسبع طاطا بعيــــــنه
خليه دا النومِ ستَّــــار .. لما الكلب ياخد يوميــنه
شوف الزمان انتهت عَدَليه .. وادي البُطْل ع الحق راكِب
جه السبع يُطلُب عدل لـيه .. لَقَي الهِلف ع التخت راكب
يا قلبي لا تعاشر الدُون .. ولا تكلِّمُه بالاشتراحة
تقوله الكلامِ مــــوزون .. تلقاه يرد بقبــاحة
الندل ميت وهو حـــي .. ما حد يحسب حسابه
كيفه كيف الترمس الني .. حضوره يشبه غيابه
نهيتك ما انتهيــت .. والطبع فيك غالـــب
وديل الكلب ما ينعدل .. ولو علقوا فيه قالب
جاني طبيبي مع الــعصر .. وف يده ماسك عصــــاية
تاري طبيبي قليــل أصل .. ومن خصمي جابلي الوصاية
كلام الغَرَابا حِمِـلناه .. فات علينا كما ريح هاوي
كلام القرابا إخ منَّاه .. ياجي فوق فرش الـــكلاوي
غربي بلدنا بلد سيـــح .. وادي الهِلف ماشي ورانا
مش عيب كراسي التماسيح .. تقعد عليها "الوِرانا"؟
اللي حبنا حبــيناه .. وصار ماتعنا مِـتاعه
واللي كرهنا كرهناه .. يحرم علينا اجتماعه
يا بت جملك هبشني .. والهبشة جت في العبايا
رمان صدرك دوشـني .. جعل فطوري عشــــــايا
