أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
إوعى تقول للنـدل يا عـم
وان كان على السرج راكب
ولا حد خالى من الهم
حتى قلوع المـراكب
أنا لم لقيت لي سعد ولابخت
ولا خِل صادق ..قناني
جيت عند بيت عزولي اتلبخت
عبوا لي الدوا في قناني
إذا راعيت ارعى النوار
والمرتعى لا ترعى فيه
واذا ركبت اركب مهار
والـلي على إيدك تربيه
إن سرحتْ الناس روحت
وإن روحوا كنت سارح
وإن فرحت الناس نوحت
وإن نـوحوا كنت فارح
إن صادفك سعد الأيام
وأنت على النحس ديمه
اضرب عصاك لقدام
عوجه تجي مستقيمه
اترك من الناس من كان
فـي باطنه لك سوادي
صـده وخليك منصان
عـنـه ولو كان يعادي
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
جاني جواب من البلد
وسلام حبيبي فيه
مكتوب بحرف الألم
والدمع باين فيه
حلو النبي وحلو رقابيه
ياما هوَّه بدر البدورة
من يوم جبرائيل رقى بيه
من سابع سما فج نوره
حرامى وعاصى وكداب
عاجز هزيل المطايا
وتبــت ورجــعت للــبـاب
هيا جــــزيل العطايا
خشب المراكب من السنط
في البحر ياخد مهاجه
واجل ع الحر يلزم الصمت
لما الهلف باخد مهاجه
خلخال خطر ع القدم
كل المحاسن فيه
والصايغ اسمه حسن
صانع جميع مافيه
دخلت بستان حبيبي
أتفرج علي اللي فيه
لاقيت عريض الفلا
فارش ونايم فيه
دايما على الحمل صبار
الـلـي أصـوله زكيه
ويخشى من اللوم والعار
و مـن انكشاف الطويه
زمنا زمن الكلوبات
لمط الصفيح بطلوها
ياما ناس ما لهاش ابات
صبحت تحلف بابوها
سكت الهَوى والناموس طار
والسبع طاطا بعينه
خليه دا النومِ أستار
لما الكللب ياخد يومينه
سحبت سيف المحبه
لجل ما أرميه
رمش بعينه رماني
قبل انا ما أرميه
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
صابونة العدو ما ترغيش
وان رغت ياللا السلامه
إن قعدت فى مطرح ما ترغيش
حتى تقوم بالسلامه
صلاة النبي بتزيدني شوق
وتمنع البلا والمراضي
قال له الإله: اندفن فوق
قال: أمِّتي في الأراضي
صلاة النبي تغني عن القوت
وتمنع البلا والمراضي
يستاهل علقته بالسوط
اللى معاه كفو الزيارة ما راضي
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
فيهــــم كمــــا هـــمة البين
والبعل مســــــــكين قناها
وفيهـــم الدابـــة والتــــنين
ورطه على اللى اشتراها
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
* لكين صابرة ع البلاوي
فى البحر لم فتكم
فى البر فتونى
وبالتبر لم بعتكم
بالتبن بعتونى
انا كنت وردة البستان
انتوا لية قطفتونى
قلل كلامك وخليك
فى كل محفل موقر
وأحسن لمن كان يؤذيك
بالسوء فى كل محضر
كل عيشك بملحك وفجلك
وعيش عيشة جدودك
واتمد على قد رجلك
بلا تزيد عن حدودك
كسرة من الزاد تكفيك
وتبقى نفســــك عــفيفه
والقــــبر بكره يطــويك
وتنام فى جار الخليفه
كيد النسا يشبـه الكى
من مكرهم عدت هارب
يتحزمـو بالحنـش حى
ويتعصبـو بالـعقـارب
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
كل عيشك بملحك وفجلك
وعيش عيشة جدودك
واتمد على قد رجلك
بلا تزيد عن حدودك
كيف العمل في رفاقة
الـود فـيهم نميمة
والقرب منهم حماقة
والـبعد عنهم غنيمة
لا أنام على الشوك عريان
واصبر على ما جرالى
واصبر عليك يا زمان
حتى ينعدل حالى
لولا النبي لا كون ولا نار
ولا أَسلام صلت وصامت
ولا كان فيه ليل ولا نهار
ولا جْمال في الجو هامت
لا تسلك الطرق وحدك
بـحـر المحبة غوارق
وامـشي مع اللي يودك
واترك هوى اللي يفارق
من يبغضك لم يحبك
ولو طعمتو الحلاوه
السن للسن ضاحك
والقلب كله عداوه
ماله الهــوى زاد وَسْــمِى
من حين بعادهم بدا لى
سمت ولدها على اسمى
خــــايف تحــــبه بـــدالى
ما ينجــــدك غـــير دمك
ولا ينفعــــــك غــــير مالك
واحلف يمين بعد أمك
حبيب من النسا ما بقالك
ماأشقاك ياشاهد الزور
في الحشر حالك يحزّن
ذنبك لدي الناس مشهور
في يوم يبان المخــــزّن
مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده
ما يرقد الليل مغبون
ولا يقرب النار دافي
ولا يطعمك شهد مكنون
إلا الصديق الوافي.
مـا حـد سـالم من الهم
ولا الحصى في الأراضي
لا لـه مـصارين ولا دم
ولا هـو من الهم فاضي
من حبنا حبناه
وصار متاعنا متاعه
و من كرهنا كرهناه
ويحرم علينا اجتماعه
نصحتك ما اتنصحت
والطبع فيك غالب
وديل الكلب لم يتعدل
لو حطوا فيه قالب
ولا حد خالى من الهـم
حــتى قـــلـــــــوع المـــراكب
ماتقـــولشى للندل عــم
وإن كان على الســرج راكـب
والله ما هى بسعيك
ولا بكتر الخطـــــــاوى
إلا إذا كان ســــعدك
فى كل خطوة مساوى
ولابد من يـوم معلـوم
ترتــد فيـه المظـالم
أبيض على كل مظلـوم
واسـود على كل ظـالم
ومبين الدق لاخضر
قلت له غطيه
قال لا انت ابن عمي
ولا ابن خالي ولا شريكي فيه
سحبت سيف المحبه
لجل ما أرميه
رمش بعينه رماني
قبل انا ما أرميه
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا
يا قلب لاكويك عاشق بالنار
وان كنت عاشق لازيدك
يا قلب حملتني العار
وتريد من لا يريدك
يا بت كل البنته
عملوا دموعهم مخادد
صابهم من الحزن حته
وانتى اللى جواكى مادد
الندل له طعم مالح
وله خصايل ذميمه
القرب منه فضايح
والبعد عنه غنيمه
الناس للـــكــف باســـــطـــين
والكل عــــــــاوز نوالك
واللى خضع لك وباس طين
للشـــــر هــــوه نوي لك
الليـل مـا هـو قصير
إلا على اللى يـنامـه
والشخـص مادام فقير
ما حد يسمـع كلامه
الجاه.. لو كنت خايف من الله
ولا من القبر والهول
ما كنت تغتر بالجاه
والظلم والجوز والصول
الجود ماهواش بمـــــال
ولا بلبس القماشــــي
دا طبع في الشخص سلسال
لاهو بماله ولاشي
الندل ميت وهو حي
ما حد حاسب حسابه
وهو كالترمس الني
حضوره يشبه غيابه
الحر يصبر على الضيق
ولا بـيـفـرح لعادي
لـو ينشف الفم والريق
يـتـم ع الـحال هادي
اللى يداديك داديه
واجـــعل عــيالك عـبيده
واللى يعاديك عـاديه
روحك ماهياش فى إيده
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
اللى على الخير هنيه
وبشره بالغنيمة
واللى على الشر عزيه
بكره يلاقى الهزيمه
الـلي يوفيك وافيه
واجعل عبيدك عبيده
واللـي يخليك خليه
لو كان روحك بإيده
تم النشر قبل 1st February 2012 بواسطة مصعب
