[ لو حقيقى قلبك فيه حنان
إثبت ليا حنانه بالدليل والبرهان
أنا سقيتك كل حنانى
مشفتش منك غير الهجر والنكران
لو كان ده طبعك
خليك فى هجرك وإنسانى
وأنا هعتبرك فى عالم النسيان
إللى ما يقدرش حنانى
ميستهلش يكون إنسان
لو كان ليك قلب زى البنى آدمين
كنت قدرت الشوق والحنين
رغم قساوة قلبك
وهجرك وبعدك
كنت بسهر علشانك الليل
أفكر فى أحوالك
أتارينى مش على بالك
ولا فكرت مره تسأل
وتقول إللى سقانى حنانه فين
أنا خلاص عرفت طريقى
المهم تعرف إنت طريقك فين
إللى زيك ملهوش طريق
كل شويه تقب وتغطس
زى الغرقانين
لو كنت مخلص فى حبك
كنت نجيت من الغرق
يا مسكين
خليك عايم فى بحرك
ولا شاطىء هيقابلك
ولا مرسى يحضن قلب
ناكر للحنان والحنين
[/
