[بلعن الدنيا الكدابه
بتضحك علينا
وقاسيه على الناس
الغلابه
عامله زى المرجيحه
طالعه نازله بغرابه
وعجبى
فيها ناس عليها راكبه
بتمص دم الغلابه
فكراها يا عينى دايمه
ناسيين القيامه قايمه
بكره يسيبوها من غير
ما ياخدوا منها هبابه
وعجبى
عجبى على الناس اللى تحت
بالفاس يعزقوها ونازلين فيها فحت
بيحلموا بكنز يلاقوه مدفون
نسيوه اللى كانوا فوق
قبل ما يدفنوا تحت
وعجبى
دنيا ملعونه غروره
تشوفها لو معاك فلوس
فى أجمل صوره
واللى ممعاهوش
يلعن الظروف اللى مخلياه
شايف قباحة الصوره
وعجبى
الواد فى شبابه بيتنطط
فاكرها دايمه ومزغطط
مش همه حاجه وبيخبط
طول الليل سهران
بيشاغل بنت الجيران
واعدها بكره فى النادى
الحكايه يا خونا بقت عادى
لابس البنطلون ساقط
على وسطه مفيش رابط
لو حاجه وقعت منه
ضهره كله يبان منه
الناس تشوفه تقوله
أتحشم يا خيبان
وعجبى
عجبى على البنات
مش لابسين زى الستات
بناطيل ضيقه ومحزقه
البطن باينه ملألأه تحت الباديهات
أبوها مش قادر يتكلم
بيبص بعنيه ويتألم
الست قالتله يا معلم
أنتهى عصر الشنبات
وعجبى
