كفاياك بقى
كفاياك تسول ع السطور
بطل كسل.. سنين تفوت
وأنت أسير نفس الجراح
مهموم كئيب عمال بتندب
ع الليالى وع اللى راح
كفاياك بقا كفاياك سكوت
طلع كلام انشد وقول
اكتب غرام اكتب ملام
اكتب بقى انطق وقول
لو حتى اللى حتعمله
انك تنزل نقطتين على دمعتين
كفاياك بقى الجرح طاب
والذكريات لاعمرها
تبقى في غمضه عين سراب
حتعيش معاك وتموت معاك
كفاياك بقى كفاياك بكا
لكل واحد تلمحه
طمعان فى أيه؟
نظرة حنان كلمة أمان؟
مش راح تطول كلمة أسف
كفاياك بقي
أكتب بقى
لوحتى تكتب للقمر
أوحتى تكتب للشجر
أنطق بقا ازعق وقول
ماليك صديق غير السطور
ليه سبتها مهجوره دايما
مفيهاش بصيص مصباح شحيح
عمال تصرخ كل يوم
نفسى ف وليد نفسي ف ولد
أكتب بقى
لو حتى أنا زيك ذليل
بس افتكر أيام زمان
ياما زمان كنت أحملك
وأطير معاك عند السحاب
ناكر جميل طب بس جرب
طلع لى حتى كلمتين
أو نقطتين على صفحة بيضاء
وأنا هوعدك لاملا السطور
أزرق بلونك
لون السماء 27/2/2012
