ايدة جوه قلبي نار
برج من نافوخي طار
يعني ايه يبقى الحمار
هوا ملك الحيوانات
يا بلد مافهاش اسود
لوتسيبي حمار يقود
يبقى هنخش ف عمود
او نلاقي العمر فات
واحنا واقفين زي ما احنا
والمرض والجوع دابحنا
ربنا مش هيسامحنا
يوم لو اختارنا السكات
والخضوع ادام عجوز
او نسيب فاسد يفوز
بالمناصب والكنوز
واحنا راضيين بالفتات
يا زعيم يا أبوذكرخالد
يا اللي نشفت الموارد
بكرة نشحت ف الموالد
زي اصحاب العاهات
خلي بق المية يغلى
والنفس اسعاره تعلى
دي الحياة هتروق وتحلى
لو تبطل انجازات
بعد اذنك حل عنا
بيك بيتسمم بدنا
والله تبقى الدنيا جنة
لو قالولنا ده غار ومات
