ع تِسْألِيني
ع تِسْألِيني ليه بَلـَمْلِمْ ف الخَلـَج
كَتَبْتْ لِيكِي كل شِيء على الوَرَج
عَجْلِي اتحَرَج ونَفـَسِي اتخَنـَــــج
بينــــي وبينـــــــك مــــِيتْ جَـــدَم
ف نظـْرتِك هِيَّا مسافة زَيِّ الجَنـَا
وف نـَظـْـرتِي هِيَّا ألـُوف مِتألـِّفـَة
إحنا ف زمن بنشوف الحَجيجَة مزَوَّرَة
لاتلومي عَلـَيَّ يَامُّو العُيُون مِتـْكَحَّلة
هَـــــــــويتِك وعَــــارف مِيـن أنا
إنْتِــي لِيكي تـُوب غير تـُوبي أنا
تُوبي أنا دَمُّور وخِرْجَه كِتـَّان
ونـُومِي عَلى حَصِير تـَلـْفـَــان
ومخَـــدِّتِي مِنْ عَفـْش الجَصَب
صُــــوتْهَا مَـــــرار واحْــــزَان
غـَطـــايا مِنْ صُـــوف الغـَنـَــم
وشَـــال يشَــــوِّك ف الجَسَــــد
إشْـــــحَال إيــديكي النَّـعْـــمِين
عِرفـْتِ ليه أنا بَلَمْلِمْ ف الخلج
هـــويتك وعـــارف مـــين أنـا
أنتي ليكي توب غير توبي أنا
لِبْسِيك حَرير مَشْغـُول عَلى فـُسْتَان
ونومِك عَلــى سَـــرير دَوَرَان
وفـَرْشِتِك ريش نَعَـام ألـــوان
مَــرْشُـــوش عَـلــيه بَـرْفـــان
وشَنطِتِك مَصْنوعَة مِنْ تِعْبَان
تَمَنـْهَا يفـُــوت المِـيَّة وشْوَيَّة
وأكْلِتِــك سَــمْن عَـلى سِــمَّان
وأنا رَاجـِـل فـَجـِــير غـَلـْــبَان
و جـِرْشِينـَاتِي
يَدُوب تِشْـــــــتِري رغـْفــــان
عِرفتِ ليه أنا بلملم ف الخلج
لأني هَويتِك وعَارف مِين أنا
وبوَدَّعِك
وكتبت ليكي كل شيء على الورج
إللــي مِنْ دَمْــعِي اتحَــــرَج
حتى الجَــلـَمْ صَــابُو الألـَم
كَتـَب الحُــرُوف مِتـْجَطـَّعَــة
كان أمَلـُــو نِجْــمَع شَــمْلِنا
بَس الفلــوس هي السَّــبَب
بَنِتْ وهَــدِّتْ مِنْ غِير تَعَـب
لإنتــي هَتِجْـــدَري تِنْــزلِـي
ولا أنا هَطـْلـَع مِيـتْ عَتـَبْ
آدي إللي خَلانِي بلملم ف الخلج
ما كان ف نِفـْسِي يوم نِفـْتِرج
لكن المسافة بيني والجَمَر بُعْدِ السَّمَا
بُعْدِ الشَّوَاطِئ ف البحار عن بعضها
مَهْمَا نعُــوم تِيـجي مُوجَـة تـرُدِّنا
عَشَــان كِدَه كُنْت بلملم ف الخلج
كتبت ليكي كل شيء على الورج
عَشَان تِخـَلـِّينِي ذِكْرَى ف دَفـْتَرك
قِصَّة جَمِيلة نِعِيش عليها عُمْــرنا
على الوَرَج لا مَـرَّة يُوم نِفـْــتِرج
ولا ريح جَويِّة ولا حَسُود يهـِمِّنا
لأننا عَايْشِين بالرُّوح مِشْ بالجَسَد
أنا ف بَــلـَـــد وانــتِي ف بَـــلـ
